Yatisevasramam: January 2020

31.1.20

ప్రతిష్టకి కరపత్రముల నమూనా

ప్రతిష్టకి కరపత్రముల నమూనా

శతాబ్దాల ఘన చరిత్ర  కలిగిన (కడప)
రతనాల సీమ కీర్తి కిరీటంలో పొదగబడుతున్న
మరో విలువైన కలికితురాయి
భారతదేశ చరిత్రలోనే మొట్టమొదటి
ఈ 81 అడుగుల శ్రీవేంకటేశ్వరుని సుందరమూర్తి
ప్రతిష్టామహోత్సవ ఆహ్వానం

జై శ్రీమన్నారాయణ
శ్రీశ్రీశ్రీ త్రిదండి శ్రీమన్నారాయణ రామానుజ చిన్నజీయర్ స్వామి వారి ప్రత్యక్ష పర్యవేక్షణలో
ఆలంఖానపల్లె గ్రామం (చిత్తూరు-కర్నూలు జాతీయ రహదారి కడపలో ఉన్న యతీసేవాశ్రమము నందు జరుగుచున్నది
శ్రీ వేంకటేశ్వరుని ప్రతిష్టామహోత్సవ ఆహ్వానం.
జరగబోవు కార్యక్రమముల వివరములు

02-03-2020 సోమవారం నుండి 05-03-2020 గురువారం వరకు
02-03-20202
సా || 6.00 గం||లకు ఉత్సవ ఆరంభం, విష్వక్సేన పూజ, పుణ్యాహవచనం, అంకురార్పణ
6-30 ని.లకు శ్రీశ్రీశ్రీ త్రిదండి అహోబల రామానుజ జీయర్ స్వామి వారి ప్రవచనము
03-03-2020
ఉ || 9-00 గం||లకు అగ్నిప్రతిష్ఠ, ఛాయాధివాసం
ఉ || 10-00 గం||లకు సామూహిక లక్ష్మీనారాయణ పూజ (సుమారు 5000 మంది సువాసినలతో)
సా || 6-30 ని||లకు శ్రీశ్రీశ్రీ త్రిదండి దేవనాథ రామానుజ జీయర్ స్వామి వారి ప్రవచనము
04-03-2020
ఉ || 9-00 గం||లకు నయనోన్మీళనం, స్నపనం
ఉ || 10-00 గం||లకు దంపతి పూజ (1008 మంది దంపతులకు లక్ష్మీనారాయణ స్వరూపంగా అర్చన)
సా || 6-00 గం||లకు శ్రీమతే రామానుజాయ నమః అని జపిస్తూ 21 రోజులు 1008 మంది భగవతోత్తముల ఇండ్లలో విశేష అర్చనలు అందుకున్న 1008 కలశములు వేంకటేశ్వరుని పాదాల చెంత సమర్పణ.
సా || 6-30 ని||లకు శ్రీశ్రీశ్రీ త్రిదండి చిన్న జీయర్ స్వామి వారి ప్రవచనము
అనంతరం తడియారాధన
05-03-2020
ఉ || 6-00 గం||ల నుండి 8-00 గం||ల వరకు 108 గ్రామాలలో విశేష అర్చనలు అందుకున్న దివ్య కలశములతో యతిరాజులకు(రామానుజులకు) అభిషేకం.
ఫాల్గుణ శుద్ధ ఏకాదశి ఉ || 9-45 ని||లకు చిన్న జీయర్ స్వామి వారి కరకమలములతో ప్రతిష్ఠ, కుంభ ప్రోక్షణ
మ || 12-00 గం||లకు సమాశ్రయణములు (మంత్రోపదేశములు)
జిల్లా నలుమూలల నుండి ప్రతిష్టామహోత్సవమునకు విచ్చేయుచున్న భక్తులు (సుమారు లక్షమంది)కు విశేష అన్నదాన కార్యక్రమం ఏర్పాటు చేయడమైనది.

19.1.20

Yatisevasramam Construction Photos

18.1.20

మా ఆశ్రమంలో ధనుర్మాసం

మా ఆశ్రమంలో ధనుర్మాసం నెలరోజులు ఉదయాన్నే నగర సంకీర్తన చేసుకొని అందరిని మేల్కొలిపి ఆశ్రమానికి వస్తాము. తరవాత భక్తులందరూ కలసి తిరుప్పావై పారాయణం చేసి అనంతరం తీర్థప్రసాదాలు పుచ్చుకొని వెళతారు. ఇది ప్రతీ సంవత్సరం క్రమం తప్పకుండా ప్రతీ సంవత్సరం మా ఆశ్రమంలో జరిగే కార్యక్రమం.

భోగి ముందురోజున గోదా రంగనాథులు తిరువీధికి వెళ్ళి గ్రామంలో ఉన్నవారినందరిని తమ కళ్యాణం చూసి తరించవలసిందిగా అందరినీ పిలుస్తారు. అదే సందర్భంలో గోదాదేవిని, రంగనాథస్వామిని వేరువేరు పల్లకీలపై ఊరేగిస్తూ ఒక పల్లకికి అడ్డుగా మరొక పల్లకిని అడ్డగించి ముందుకి వెళ్లనీకుండా చేస్తారు. అయ్యవారు అమ్మవారి గ్రామంలోకి ప్రవేశిస్తే వారిని గ్రామంలోకి రానీకుండా అమ్మవారి తరఫున వారు అడ్డుకుంటారు. ఇది ఒక కమనీయమైన వేడుక. అనంతరం అమ్మవారి గొప్పతనం. అయ్యవారి గొప్పతనం చెప్పుకుంటూ ఉంటారు. ఇరువురి తరఫున రెండు సమూహాలుగా జనాలు విడిపోయి సంభాషించుకుంటూ ఆనందిస్తారు.

భోగి రోజున తెల్లవారుఝామునే అందరూ వచ్చి భోగిమంటలు వేసి పాటలు పాడుకొని, తీర్థప్రసాదాలు పుచ్చుకుంటారు. తరవాత గోదా రంగనాథులకి వైభవంగా కళ్యాణం జరిపిస్తాము.

భోగి రోజున సాయంత్రం కొత్త వడ్లు(ధాన్యం)ని రోకలిలో వేసి దంచి, పొట్టు తీసి బియ్యాన్ని చేసి సంక్రాతి రోజున కొత్త బియ్యంతో దంపతులు అందరూ వచ్చి పరమాన్నం(పాయసం) చేసి, భగవంతునికి నివేదన చేసి వారి వారి ఇళ్ళకి తీసుకొని వెళతారు.